എങ്ങുനിന്നോ പറന്നു വന്നെന്നിലെ
ചന്ദനമരചില്ലയിൽ ചേക്കേറി..
മെല്ലെ പൂഞ്ചിറകൊന്നൊതുക്കി നീ
നെഞ്ചുരുമ്മിയിരിക്കുന്നതെന്തിനായ്…
തൂവലൊന്നും കൊഴിഞ്ഞുപോയീടാതെ..
താരിളം മേനി നെഞ്ചോടടുക്കി ഞാൻ..
താരകങ്ങളും..പൂനിലാചന്ദ്രനും..
കാൺകെ കാതോരമോതി.. മെല്ലവേ..
എന്തിനെൻ മരച്ചില്ലയിൽ വന്നിരു-
ന്നെന്തിനൂയലാടുന്നു…നിന്നുള്ളിലെ
നിർമ്മലസ്നേഹമേകുന്നതെന്തിനായ്..
വാസനതൈലം തൂകുന്നതെന്തിനായ്…?
സ്നേഹജ്വാലകളാളിപടർത്തിയി-
-ട്ടൂളിയിട്ടു പറക്കുന്നതെന്തിനായ്…!!
മൂകതയാലുറങ്ങിക്കിടക്കുമെൻ..
ജീവനെ വന്നുണർത്തുന്നതെന്തിനായ്..?
കൂടൊരുക്കി ഞാൻ വച്ചതു കണ്ടുവോ..?
കൂട്ടിനുള്ളിലെ പൂമെത്ത കണ്ടുവോ…
നേർത്തതെങ്കിലുമീ വാഴനാരിനാൽ..
കോർത്തു വച്ചോരു പൂമാല കണ്ടുവോ..
ഈറനാകുന്നതെന്തിന്നു നിൻ മനം ..?
നീലവാനം പോൽ നീണ്ടു വിശാലമാം..
ഈ ഹൃദയമിന്നേകുന്നിതോമനേ..
ആത്മഹർഷത്തോടേറ്റു വാങ്ങീടുക..
5 അഭിപ്രായങ്ങൾ:
ഞാനിന്നീവഴി വന്നതെന്തിനായ്.....
അറിയില്ലെന്നിരുന്നാലുമൊന്നു
പറയാതെ വയ്യ, നിന്നെ വായിക്കാതെ വയ്യ.
നന്നായിരിക്കുന്നു.... ആശംസകള്.
സ്നേഹജ്വാലകളാളിപടർത്തിയി-
-ട്ടൂളിയിട്ടു പറക്കുന്നതെന്തിനായ്…!!
മൂകതയാലുറങ്ങിക്കിടക്കുമെൻ..
ജീവനെ വന്നുണർത്തുന്നതെന്തിനായ്..?nice lines..welcome to boolokam dear :)
പാടിയതെന്തൊരു ഭംഗിയില് പാപ്പാത്തി
പാലൊളിച്ചന്ദ്രികച്ചിരിപോലെമോഹനം
പീലിവിടര്ത്തിയിട്ടാടും മയിലിന്റെ
നീലിമയോലും വരികള് മനോഹരം .
പാടുക പാപ്പാത്തി പാടുകയിനിയും
പാല്പ്പായസമധുരക്കവിതകളേറെ.
ninte kavithakalku abhiprayam parayan njn arumalla...ennalum...valare nannayrikunu...eniyum ezhuthanam,....
കവിതകളിലധികവും ജീവഗന്ധമുണ്ട്. അഭിനന്ദനങ്ങള് !!!
ഒരു അഭിപ്രായം പോസ്റ്റ് ചെയ്യൂ